News

ബഹുമാനപ്പെട്ട പോൾ കട്ടയ്ക്കകത്തുട്ടച്ചൻ (93) നിര്യാതനായി.

എറണാകുളം - അങ്കമാലി  അതിരൂപത വൈദികനായ ബഹുമാനപ്പെട്ട പോൾ കട്ടയ്ക്കകത്തുട്ടച്ചൻ (93) നിര്യാതനായി. സംസ്കാരം മൂഴിക്കുളം സെൻ്റ് മേരീസ്  പള്ളിയിൽ 10/12/2025 ബുധനാഴ്ച ഉച്ചകഴിഞ്ഞ്  2:30 ന്.

മാതാപിതാക്കൾ: വർക്കി, താണ്ടമ്മ
സഹോദരങ്ങൾ: ഔസേപ്പ്, ഫാ. വർഗീസ് കട്ടയ്ക്കകത്തുട്ട്, സി. റൊമാന SABS


മൃതസംസ്കാരശുശ്രൂഷയുടെ വിശദാംശങ്ങൾ:

അച്ചന്റെ മൃതദേഹം 10-ാം തീയതി (ബുധനാഴ്ച) രാവിലെ 7.30 മുതൽ 8.00 മണിവരെ എടക്കുന്ന് സെന്റ് പോൾസ് പ്രീസ്റ്റ് ഹോമിൽ പൊതുദർശനത്തിന് വയ്ക്കും. തുടർന്ന് ഉച്ചക്ക് 12.30 വരെ  മൂഴിക്കുളം കട്ടയ്ക്കകത്തൂട്ട് കുടുംബ വീടായ റോസി ഔസേപ്പിൻ്റെ ഭവനത്തിലും തുടർന്ന്  മൂഴിക്കുളം സെൻ്റ് മേരീസ് ഫൊറോനപള്ളിയിലും പൊതുദർശനത്തിന് വയ്ക്കും. ഉച്ചകഴിഞ്ഞ് 2.30 ന് വി. കുർബാനയോടുകൂടി മൃതസംസ്കാരം ആരംഭിക്കും

എടക്കുന്ന് സെന്റ് പോൾസ് പ്രീസ്റ്റ് ഹോമിൽ വിശ്രമജീവിതം നയിക്കുയായിരുന്ന പോളച്ചൻ, ഇന്നലെ ആശുപത്രിയിൽ വച്ച് ഹൃദയാഘാതം മൂലമാണ് (7/12/2025) നിര്യാതനായത്.

അതിരൂപതയിലെ  ചേർത്തല മുട്ടം ഫൊറോന പള്ളിയിൽ സഹവികാരിയായും, മാണിക്യമംഗലം, ആനപ്പാറ, കൂടാലപ്പാട്, പുഷ്പഗിരി , പെരുമ്പാവൂർ, കരുമാലൂർ, പൂണിത്തറ,കുറ്റിപ്പുഴ,കറുകുറ്റി,തൈക്കാട്ടുശ്ശേരി,താബോർ, കടവന്ത്ര, ഈസ്റ്റ് ചേരാനല്ലൂർ, കരിയാംപറമ്പ്, പൊതിയക്കര,നായത്തോട് എന്നിവിടങ്ങളിൽ വികാരിയായും തൃക്കാക്കര മൈനർ സെമിനാരിയിലും അങ്കമാലി ലിറ്റിൽ ഫ്ലവർ ആശുപത്രിയിലും സ്പിരിച്വൽ ഡയറക്ടറായും അതിരൂപത വൈസ് ചാൻസിലറായും അച്ചൻ സേവനം ചെയ്തിട്ടുണ്ട്.